Аçтахар Плотников: Майӗпен чӑваш карттине ӑсталатӑп

Аçтахар Плотников10.02.2014 00:1322893 views

Паян кунӗпе тенӗ пекех чӑваш карттине ӑсталаса лартӑм.

Ҫапларах пулать вӑл:

Паян эп Шупашкар районӗнчи ялсене кӗртрӗм, тата Шупашкар хулине вырнаҫтартӑм. Кашни кун перер район тусан уйӑх хушшинче хатерлесе ҫитерме пулать те.

Чи малтанах кашни ялӑн ӗлкине тӑвасшӑнччӗ, анчах А1 форматпа пичетлесен те вӗсем ытла вӗтӗ пулаҫ иккен. Вара пысӑк ял-хуласенне кӑна ҫапла тума шутларӑм: Ишлей, Тренкасси, Апаш + район центрӗсенне.

Район центрӗсемпе хуласен ячӗсене ҫавах та икӗ чӗлхепе парас терӗм :) // пӗрисем ҫавнашкал картата кӑларнӑччӗ — район центрӗсене те пулин чӑвашла ҫырса тухнӑччӗ.

Тӗп ҫулсем хушшине эп район центрӗсене илсе ҫитерекеннисене те кӗртрӗм.

Шел те, пур яла та кӗртеймӗн ҫав — кӗртес тесен ытла вӗтӗ шрифтпа пичетлеме тивет.

Тӗпӗ валли эп Яндекс карттине илтӗм — унтан вармансемпе юханшывсене касса кӑлартӑм. Ҫавах та кайран юханшывсене тата тепӗр хут хулӑмраххӑн палартса тухма тивет пуль.

Тата ҫулсене май ҫитнӗ таран ытларах кӑтартмалла пуль?

Менле шуталтӑр, хӑвсамӑрӑн шухӑшара пӗлтерӗр-ха.

Тата ыйту: пичетлесе кӑларсан туянакансем тупӑнӗҫ-ши?

Editorial note: The publication of articles does not mean that the editorial board shares the opinion of its authors.

[Comments (50)]

2024.05.11

Comments:

Аçтахар Плотников // 5043.2.1941 2014.02.10 18:12
	http://enc.cap.ru/?t=world&lnk=154 — Пармас тет... Справочника пăхрăм — унта Пăрмас. Тавах, каярах тӳретĕп.
Migulaj // 2158.60.7548 2014.02.10 18:36
	Питĕ кирлĕ ĕç. Ăнăçусем сунатăп.
Аçтахар Плотников // 5043.2.1941 2014.02.12 02:39
	http://fotki.yandex.ru/users/chuvashorg/view/573773/?page=7 — Çĕрпӳ районĕн ялĕсене вырнаçтарса тухрăм / кăшт Красноармейски районне те илтĕм...
Владимир // 5268.9.4478 2014.02.12 17:17
	Шел, эпĕ хам çакнашкал МĂН ĔÇ тума пĕлейместĕп. Тăваканне тайма пуç! Туса пĕтерсен кашни ЧăвашЕН шкулне çитерме тăрăшмалла.
Agabazar // 4280.30.6855 2014.02.12 17:38
	Маниччен каласа хăварам-ха. Хăшпĕр ялсен чăвашла ячĕсем пур, анчах паянхи кунччен те вĕсемпе усă курасшăнах мар. Патăрьел районĕнчи Ясная Поляна чăвашла Апрушнай Admin:"Официаллă епле — эп çавăн пек кĕртĕп." Темĕн, чăннипе чăвашла официаллă ятсем çук пуль. Никам та вĕсене документпа çирĕплетмен. Йăлана кĕнĕ ятсем темелле пуль.
Аçтахар Плотников // 5043.2.1941 2014.02.16 23:18
	http://img-fotki.yandex.ru/get/6727 ... _8c379_dc337b8c_orig — Вăрмар, Тăвай, Канаш районĕсене ăсталарăм. //йăнăшсене тупма тăрăшăр-ха :)
Аçтахар Плотников // 5043.2.1941 2014.02.16 23:19
	Апрушнайне кĕртĕп //вырăн пулсан
Agabazar // 5831.1.5896 2014.02.16 23:38
	Admin // 5043.2.1941 2014-02-16 23:19<<Апрушнайне кĕртĕп //вырăн пулсан>> Вăрман варринче ларать вăл ял. Çывăхра урăх ялсем çук. Вырăн ытлашшипех çитме кирлĕ :-) Канаш районĕнчи Çăханвар, Кашкăр Çырми ялĕсем курăнмаççĕ. Маякпа Канаш хушшинче пулма кирлĕ. Пурне те кĕртсе пĕтерме çукрах пуль çав чăнах та.
Аçтахар Плотников // 5043.2.1941 2014.02.17 11:07
	Тав, Кашкăрçырмине кĕртрĕм. Лешĕ Çăханвар мар, Çĕнĕ Вăрăмпуç ятлă. Вăрăм та кĕртсе тăмарăм. // энциклопедире «Çĕнĕ Вăрăмпуç, Вăрăмпуç» тенĕ... «Вăрăмпуç»-па кĕртес — инçе те мар унашкал тепĕр ял пур... Хайхисем унтан куçса тухнă пулинех.
Agabazar // 4126.3.9648 2014.02.26 20:37
	Admin:"Лешĕ Çăханвар мар, Çĕнĕ Вăрăмпуç ятлă." Çăханвар вырăсла Вороново пулма кирлĕ. Пĕлместĕп, тен, ăна урăхла "Çĕнĕ Вăрăмпуç" та тесе калаççĕ пуль.... Çавăн пекех Патăрьел, Шăмăршă таврашенче темиçе ятлă ялсем пур. Кĕçĕн Патăрьел —чăннипе халăхра Йăлăм е Йăлăм Патăрьел теççĕ. Çĕнĕ Чукал — чăннипе Пулмантăш (Вырăс Чукалĕпе юнашар). Улатăр, Пăрачкав таврашĕсенчи ятсемпе те тертленме тивет пуль...

Ad

Аçтахар Плотников: Майӗпен чӑваш карттине ӑсталатӑп

Related

Валялась «письменность» на дороге

Чувашские ученые разьяснили: что такое псевдонаука

Ҫӗпӗрте, Иртыш хӗрринчи Чӑваш сӑмсахӗ ҫинче

Comments:

Comments

Supported HTML Tags:

Menu

In Other Languages

Banners

Counters