Валери Туркай: Каварлӑ чире пула пиртен ытла та ир уйрӑлса кайнӑ Лев Пантелеймонович Куракова — чечек кӑшӑлӗпе пӗрле

Валери Туркай23.12.2020 13:298962 views

Усал хыпар, тискер хыпар пӗлтерчӗҫ:

Лев Кураков чӗри тапмасть текех.

Кӗтменчче эп, кун пеккине кӗтменччӗ!..

Ҫук, юрамасть суймашкӑн кун пекех!..

Тин ҫеҫ-ха вӑл Тӗп хуларан сас пачӗ,

Тин ҫеҫ-ха вӑл ҫул тытрӗ Ишеке...

Тӑван ялне чунтан вӑл юрататчӗ...

Ҫак Улӑпӑн чӗри тапмасть текех...

Ниме пӑхмасӑр малаллах вӑл утрӗ,

Ӗҫлерӗ, тен, ҫӗр ҫыншӑн та хӑш чух.

Чӑваш Ятне ҫӳлтен-ҫӳле ҫӗклерӗ...

Чӗррисемпе пӗрле вӑл текех ҫук...

Халь ҫуртасем пит васкаса сӳнеҫҫӗ...

Ҫапла вӑл — пурнӑҫ, — инкекпе тулсан...

Чӑн-чӑн Арсем вилмеҫҫӗ, ҫук, вилмеҫҫӗ, —

Вӗсем ҫиҫеҫҫӗ ҫӑлтӑрсем пулса.

22.12.2020

04 сехет те 39 минут

Editorial note: The publication of articles does not mean that the editorial board shares the opinion of its authors.

Comments:

Доцент // 8976.2.9812 2020.12.23 21:23
	Общеизвестно, уважаемый Лев Пантелеймонович был действительным членом более двадцати иностранных академий. Небывалый результат! Это не может не вызывать восхищения. Почему Тургай и другие об этом молчат? Одни ля-ля, тополя.
Agabazar // 4184.33.6236 2020.12.24 00:49
	Доцент, ма чăвашла çырмастăн?
Валери ТУРКАЙ // 3839.64.8101 2020.12.24 09:40
	Ай, маттур, Акапасар!