Атте-анне çумне ларсассăн

Василий Давыдов-Анатри | Сăвă | 331


Ӳссе çитсен, çунат сарсассăн,

Çӳле вĕçессĕн туйăнать,

Тăван анне çумне ларсассăн,

Чĕре хĕрӳллĕнрех тапать.

 

Çурхи кунсем йăл-йăл кулсассăн,

Уйра янрать тăри сасси.

Тăван атте пĕрле пулсассăн,

Ăнса пырать суха касси.

 

Илем кӳрсе çӳретĕр пăчăр

Кĕрхи вăрман уçланкине.

Тус-тантăшсем, нихçан ан пăсăр

Атте-аннемĕр кăмăлне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем