Хĕвел пăхса çумăр çăвать
Хĕвел пăхса çумăр çăвать,
Çутçанталăк киленет.
Сисмесĕрех вăхăт шăвать,
Ĕмĕр иртет, вĕçленет.
Пăх-ха, савни, чӳречерен,
Пуçне таять, ав, çеçке.
Юратупа çут тĕнчерен
Уйрăлмашкăн йывăр-çке.
Сăн-сăпату — кĕмĕл уйăх,
Сад пахчинче çутатать.
Юрату вăл — ырă хуйăх,
Тертлентерет — йăпатать.
Мĕн чуль ытла юрататăн,
Чун мухмăрĕ ытларах.
Ылханатăн, каçаратăн,
Юратăвĕ сăвапрах.
Хĕвел пăхса çумăр çăвать,
Шыва кĕрет çут тĕнче.
Юрату пиллет вăй-хăват,
Сасси çумăр шавĕнче.
Шухăшсем
Hello, Secure your spot on Rhodium Verse...
Ачв чухне лаша пуçĕ урлă утланса ларни...
КАЙМАÇ ПУЛАС ШУХĂША ПĔЛТЕРНИ .
To the chuvash...
Вăйлă xaйлав! Помидор çимĕçĕн усăлăхĕпе ...
пĕрремĕш абзацрах стилĕ килĕшмерĕ ...
Disquieting https://www...
Trying https://www...
Темĕн çав ...
Наталие хуравласа ...