«Чĕре — чарусăр, ашкăнчăк ача...»
Чĕре — чарусăр, ашкăнчăк ача.
Пĕр хăнăхнă йĕрке тытăмĕнче
Тăрасшăн мар самантлăх та, пачах.
Ялан çĕннишĕн çĕнĕлле тапса
Вăл вĕçĕмсĕр, вĕрин талпăннинче
Телей те пур, çук мар инкек-асап...
Ĕнер анчах йăпанăç туйăмпа
Вăл шăнкăрав пек вĕттĕн кĕвĕлерĕ,
Паян чан евĕр йывăр сулăмпа
Пĕр чарăна пĕлми кĕрлерĕ.
Кĕрлет, янрать манра мăнаçлă чан.
Асапланма, çунма, çĕнме чĕнет
Хĕрӳ тухаканскер шалтан-шалтан.
Пуласчĕ ман яланлăх çакăн пек!
(Çĕр чăмăрĕ те, уçлăх та чĕтрет,
Кашни тĕпренчĕк хăватпа илпек!)
Ялан, ялан çĕннишĕн ăнтăлса,
Сĕрлет, кĕрлет те çĕнелет тĕнче,
Пăлхантарать юна, чуна, ăса!
... Чĕре — чарусăр, ашкăнчăк ача,
Пĕр хăнăхнă йĕрке тытăмĕнче
Тăрасшăн мар самантлăх та, пачах.
Шухăшсем
Hello, Secure your spot on Rhodium Verse...
Ачв чухне лаша пуçĕ урлă утланса ларни...
КАЙМАÇ ПУЛАС ШУХĂША ПĔЛТЕРНИ .
To the chuvash...
Вăйлă xaйлав! Помидор çимĕçĕн усăлăхĕпе ...
пĕрремĕш абзацрах стилĕ килĕшмерĕ ...
Disquieting https://www...
Trying https://www...
Темĕн çав ...
Наталие хуравласа ...