Пурăнма пĕлни паха
Çĕр çинче çук нимĕн те яланлăх,
Мĕн пурри килет вăхăтлăха:
Пурнăç çулĕ курăнсан та анлă
Хăвăртах çитетпĕр ватлăха.
Ĕнер çеç хитре çеçке çуратчĕ
Çамрăклăх турачĕ чĕрĕлсе.
Çепĕç, ырă ĕмĕтсем умраччĕ —
Çук паян чĕнсессĕн те йĕрсе.
Çын телейĕ те çĕтет хыпарсăр:
Ун çути те, шел, вăхăтлăха.
Пурăнатпăр нимĕн хакламасăр,
Çухатсан шыратпăр кăлăхах.
Çĕр çинче çук нимĕн те яланлăх,
Мĕн пурри килет вăхăтлăха.
Умăнта мĕн пур — йăлтах пуянлăх,
Пурăнма пĕлни нимрен паха!
Шухăшсем
Hello, Secure your spot on Rhodium Verse...
Ачв чухне лаша пуçĕ урлă утланса ларни...
КАЙМАÇ ПУЛАС ШУХĂША ПĔЛТЕРНИ .
To the chuvash...
Вăйлă xaйлав! Помидор çимĕçĕн усăлăхĕпе ...
пĕрремĕш абзацрах стилĕ килĕшмерĕ ...
Disquieting https://www...
Trying https://www...
Темĕн çав ...
Наталие хуравласа ...