Тĕлĕк

Микул Ишимбай | Сăвă | 468


Ыйхăра тĕллентĕм: эсĕ кайрăн

Пăрахса мана ют арçынпа.

Каласам, сана мĕскер эп турăм

Мĕншĕн тискерлентĕн чунупа?

 

Ăмсанса чӳречерен пăхатăп:

Утрăн унпала ыталанса.

Тавăрăттăм, çитейсен хăватăм,

Ал çинче кăна сана йăтса.

 

Çаврăнса пăхмасăр эсĕ утрăн.

Тен, пулмарăм та-и асăнта?

Тен, сана кураймăп ĕнтĕ урăх,

Пулмăп нихăçан ытамунта?

 

Кĕвĕçсе пăхса сывлатăп ассăн.

Сĕм хупларĕ шухăш-кăмăла.

...Тĕлĕкре манран каяс пулсассăн,

Вăрансан хăть таврăн каялла.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем