Пĕлме çук пĕрре те хурăна халь

Альберт Кӳлвар | Сăвă | 366


Пĕлĕтсем кун кантăкне хупларĕç.

Хыççăнах каç çитрĕ, выртрĕ каç.

Хурăн кантăкран пăхма хăймарĕ,

Чакса тăчĕ тĕттĕме çăка.

Пĕлме çук пĕрре те хурăна халь,

Шур тумне хывса пăрахнăнах,

Палăрмасть, вăтаннă пек, сăна-ха,

Килнĕ тейĕн вăхăтлăх хăна.

Вăхăтпа-çке çутăсем сӳнеççĕ,

Вăхăтпа çунаççĕ çутăсем.

Çавăнпах килет-мĕн тĕттĕм каçĕ,

Çавăнпах иртеççĕ-мĕн çулсем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем