«Ах, улми-çке, панулми...»

Юрий Айдаш | Сăвă | 353


Ах, улми-çке, панулми —

Пĕчĕк хĕрĕм пичĕ! —

Пулнă çулçă палăрми.

Тусăм, татса илччĕ.

 

Тусам, тух та пахчана

Лăпкăн утнăçемĕн

Юрлаттар хавас чунна

Çак кунпа пĕр çеммĕн.

 

Атăл çийĕн, ав лере,

Вĕршĕн хыççăн — вĕршĕн...

Кăртлатса тапать чĕре

Тараватлă çĕршĕн.

 

Кантăксем çинче çиçет

Сарă кун хĕвелĕ.

Хăй патне туртан инçет

Пулатех телейлĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем