Ĕлкĕресчĕ

Сăпкана тупăкпа улăштарĕ Элчел¹.

Несĕлсен² Сăмахне ĕлкĕресчĕ унччен

Самана йыттисем çыртайман сăввăмра

Тăхăмсем³ пĕлмелле чĕркесе хăварма.

Каламастăп паян: ушкăнпа-и? пĕччен?

Тайăна⁴ сĕтĕрме вăй парать çут тĕнче.

Ĕлкĕресчĕ кăна — пурăнни тарама —

Ĕмĕрсен чиккинчен ывăтса каçарма.

¹ элчел – çутă вилĕм
² несĕл – кайнă ăру
³ тăхăм – килекен ăру
⁴ тайăн – пурнăçламалли тĕллев

Çĕнĕ комментари хуш