Кĕсменсĕр кимĕ
Эп хамшăн пач хыпмастăп,
Эп курнă пурăнса.
Мăнук пирки шутлатăп,
Шăпишĕн хăраса.
Ытла вылять-çке шанăç,
Таканари шыв пек,
Ăçта эс чунри канăç,
Ăçта ăшри тӳлек?
Хытах хĕссе çитерчĕ
Йĕркелĕх арканни.
Мĕскер ăна пĕтерчĕ,
Ăçта эп вăй хуни?
Шăвать халь пурнăç тирĕс,
Сывах-ши ун таппи?
Мĕне пула-ши тикĕс
Кусмасть- ун урапи?
Кĕсменсĕр кимĕ евĕр
Туятăп эп хама,
Ăçта илсе çитерĕ
Çак ахăр самана?
24.02.24
Вулавçăсен шухăшĕ
Çĕнĕ комментари хуш
Наталия (2024-12-31 13:09:55):
Сахал сăмахсемпех питĕ тарăн шухăшсем уçса панă. Ан пăшăрханăр. Пире лайăх пурнăç кĕтет. Турă пире питĕ телейлĕ пурăнтарасшăн. Çавăнпа та кĕçех пирĕн пурнăçра улшăнусем пулса иртĕç.