Кĕнекене пухаканĕ Николай Плотниковпа ăна кĕнеке кăларма пулăшаканĕсем татах та маттуртарах!Авторĕсемпе пĕрле калава çырнă чухне хăйсен аса илĕвĕсемпе пулăшнă кукамăшсемпе асламăшĕсем те уява килнĕ-çке!
Уявран çулталăклăх вăй-хăват пухса килтĕм. Тавах çак уява йĕркелеме пулăшакансене.
Сăн ÿкерчĕкĕсене те вырнаçтараççĕ пулĕ-ха.

http://gallery.chuvash.org/v/meropriyati/hatlav/asamlah/ — сăнсем

Сăн ÿкерчĕксене саппас упрама урăх вырăнта та вырнаçтартăм.

http://picasaweb.google.com/madeinc ... 1sRgCIru5s3Lxd2Q8QE#

Кенекине вуламан! Анчах тухна тенине илтнечче-ха! Интересле алавсем пур-и вара

Кĕнекине ăçта тупса илме пулать вара? Тата мĕн хак тăрать? Ачасем (хăйсен калавĕ пичетленнисем) ыйтаççĕ...

Вĕсене, авторĕсене, пурне те хăтлава (презентацийе) йыхравласаччĕ. Унта килнисене эп пурне те парнелерĕм.
Ыттисен кĕнекене тӳлесе илме тивет пулĕ... Хăтлавра кама кĕнеке лекнипе лекменнине лайăх палăртса тухаймарăм.

Кĕнекене туянмалли майсем пирки каярах, Çĕнĕ Çул хыççăн, пĕлтерĕп. Хакĕ — 100 тенкĕ.

Красноармейскинчен кĕнекене кĕртнĕ хайлавсен авторĕсем никам та пулайман (тĕрлĕ сăлтава пула: пĕри студент халь, теприн - олимпиада).... Çапах та вĕсен те тÿлесе илмелле-и вара?

16 кĕнеке туянтăм, теприне Николай Плотников парнелерĕ. Ачамсемпе тăвансем валли. Кĕнекере шкулти 3 вĕренекенĕн тата хамăн юмах та пичетленнĕ. Шкул библиотекине парнелерĕм, тăван ялти библиотекăпа шкул музейне те парнелесшĕн-ха.

Николай Плотников пухса хатĕрленĕ "Асамлăх çулĕ" кĕнеке чăн та питĕ чаплă. Тавах ăна çав кĕнекешĕн. Ăна "Урхамахсем тăраç тапăртатса" конкурс пĕтĕмлетĕвĕнче пире те парнелерĕç. Ăçтан тупса илмелле-ши тесе эпĕ те шухăшлаттăм.Чаплăран та чаплă парне пулчĕ.

16 кĕнекене пурне те валеçсе пĕтертĕм.Çитмерĕ те.Ачамсене, тăвансене, библиотекăсене, тăван ялти музей валли парса ятăм. Çитес çул , тен , татах та тепĕр кĕнене кăларма пултарĕç, ун чухне ăслăрах пулăп, ытларах туянăп.