Sign in | Sign Up | Signing in will enable you to post comments and send messages to the users.
ЧӑвашлаПо-русскиEsperanto
 +2.3 °C
Самое большое счастье в жизни - это уверенность, что тебя любят.(Гюго)
 

Ad

Аçтахар Плотников: Утса тухрӗҫ...

Аçтахар Плотников23.06.2011 22:114339 views
Пӗлтӗр Республика кунне палӑртакан уявсене кайса курманччӗ. Ҫапла май кӑҫал та пулин хальхи вӑхӑтра вӑл менле иртнипе пуллашас килчӗ. Шел те, курни пӗрре те кӑмӑла каймарӗ.
«Раҫҫей ҫалкуҫӗсем» фестивале хутшӑнакансен театризациленӗ утӑвне ман шутпа (тӗрӗссине пӗлместӗп те...) ытти ҫӗршывсенче иртекен карнавал евӗр йӗркелесшӗн пулнӑ. Чи малтанах вӑл республика шайӗнче иртнӗ, кайран ун шайне хӑпарта-хӑпарта Раҫҫей тулашнех тухса кайнӑ — утӑва хутшӑнакансем хушшинче италянсем те, сербсем те, белоруссем те пулнӑ, хутшӑнаҫҫӗ те. Анчах уяв кӑкӗ ӑҫта пулнине манса кайни питӗ япӑх. Енчен те малтанхи ҫулсенче (2006, 2007) чӑвашри пултарулӑх ушкӑнӗсем хыҫалтан та пулин утӑва хутшанатчӗҫ пулсан — халь вара вӗсене чӗнмен те пулас. Пӗр «Уяв» ушкӑн пур ӗнтӗ...
2006 ҫулхи утӑва асилетӗп, 2007-мӗшне (малараххисене курман). 2008 ҫулхине ӳкернине халь те «Чӑваш тӗнчи» сӑнсен галерейине вырнаҫтарман-ха... Чӑн та япӑхрах та япӑхрах иртетчӗ. Халӑхӗ те малтан ытларах хутшӑнатчӗ — ҫул тӑршшӗпе кӗперленсе тӑратчӗ. Паян вара ҫав ушкӑнсем сарлака ҫул ҫинче ытла та тӑлӑххӑн курӑнаҫҫӗ. Ҫанталӑкне те айӑпа кӗртес ҫук — чӑн-чӑн хисеплӗ уяв пулнӑ пулсан халӑх ниме пӑхмасӑр курма тухатчӗ. Ҫак уяв шайӗ ҫӗкленейменни ман шутпа тӑван республикӑри ушкӑнсене хисеплеменнипе ҫыхӑннӑ. «Уяв» ушкӑн вырӑнне илес пулсан — малта пулин те вӗсен вырӑнӗ хисеплисен шутӗнче пек туйӑнмасть. Вӗсен умӗнче те параппанҫӑсем, хыҫӗнче те — пан! пан! ҫапса пыраҫҫӗ. Урапан пиллӗкмӗш кустӑрми пекех туйӑнчӗҫ вӗсем мана... Чӑваш тумлисем Казахстанран пурччӗ пулас, тата Тӗмен тӑрӑхӗнчен. Ыттисем те куҫа лекмерӗҫ, курмарӑм.
Утӑва эп кӑҫал «Чувашия» хӑна ҫурчӗ патӗнче кӗтсе илтӗм. Вӗсене хирӗҫ утса пӗр ҫирӗм сӑн тунипех ҫырлахрӑм — малтанхи ҫулсенчи ҫитменлӗхе пӗтерменни, вӑл тата та тарӑнрах тымар яни ман кӑмӑла пӑсрӗ — эп вара килелле уттартӑм.
Ыран Ҫӗрпӗве кайса курас теп-ха. Хутшӑнакансен теат(ӑ)рланӑ утӑвӗ унта та пулмалла. Тен тулли версине (пур хутшӑнакана та) унта кӑтартӗҫ....
 
Editorial note: The publication of articles does not mean that the editorial board shares the opinion of its authors.
[Comments (1)]

Comments:

Аçтахар Плотников // 5043.2.1941
2011.06.24 22:13
Аçтахар Плотников
Çĕрпӳре те паян чăвашри ушкăнсем çукччĕ...

Comments

Your Name:
Your Comment:
B T U T Headline1 Headline2 Headline3 # X2 X2 Image http://
WWW:
ĂăĔĕÇçŸÿ
Symbols used: 0 symb. Maximum symbols: 1200 symb.
CLICK HERE to choose from a number of free Chuvash keyboard layout software.
 

Supported HTML Tags:

<i>...</i> <b>...</b> <u>...</u> <s>...</s> <a>...</a> <img> <h1>...</h1> <h2>...</h2> <h3>...</h3> <pre>...</pre> <sub>...</sub> <sup>...</sup> <ul> <ol> <li>

Menu

Orphus

In Other Languages

Banners

Повествование о чувашах



Газета Республика

Counters

 
About us | Statistic
(c) 2005-2010 Chuvash.Org. Questions about the site: p-code.ru
Hyundai Crawler Excavators . Вавада . ins刷粉