Аçтахар Плотников: 2 миллион саспалли

Аçтахар Плотников12.02.2012 23:504624 views

Паян Эктор Алос и Фонт ыйтнипе Чӑваш халӑх сайтӗнчи хыпарсен текстне пӗр вырӑна пухрӑм. Тӗпчев валли кирлӗ тет те — усӑ курччӑр ӗнтӗ.

Уҫласа илнӗ хыҫҫӑн ман Уҫӑ оффис аран-аран ӗҫленине кура шухӑша путрӑм — чӑн та, ҫак пӗтӗм текста пичетлесе кӑларас тесен питӗ хулӑм кӗнеке пулмалла! 12 кегллӗ шрифтпа тунӑскер 610 страница йышӑнчӗ. Пуҫелӗкӗ таврашӗ те, хыпарсен датисем те ҫук пулин те — хӑй тексчӗ кӑна.

Статистикине те пӑхса илме шутларӑм: 8500 ытла абзац (8508), 250 пин ытла сӑмах (255 402), 2 миллиона яхӑн саспалли (1 930 473). Кунта пушпаллисем те кӗреҫҫӗ пулин те сахал мар. Танлаштарма: Мария Ухсайӑн «Кӑра ҫилӗсем» пӗтӗмӗшле 1 131 000 миллион саспаллирен тӑраҫҫӗ (3 кӗнеки), Илпек Микулайӑн «Хура ҫӑкӑрӗ» (2 кӗнеке) 990 пин саспаллирен. Хветӗр Уярӑн «Танатипе» «Таркӑнӗ» (пӗрле «Шурча таврашӗнче» ярӑма кӗреҫҫӗ) те 1 473 пин саспалли кӑна йышӑнать. Пахалӑхӗпе, паллах, ҫак хайлавсемпе танлашас ҫук, калӑпӑшӗ вара пур ӗнтӗ.

Хыпарӗсем хальхи пек нумай хушӑнса тӑрсан — ҫитес вӑхӑтра ак 2 000-мӗш хыпар пичетленнине те уявлӑпӑр. Хальлӗхе 1 814 кӑна-ха...

Editorial note: The publication of articles does not mean that the editorial board shares the opinion of its authors.

[Comments (3)]

Comments:

Вол // 6157-8880 2012.02.13 15:20
	"Хыпарсене" чăваша аталантарас тата "Хыпарсене" кирлĕ хыпар кана кирле имĕш?
Аçтахар Плотников // 5043.2.1941 2012.02.13 15:41
	Вол, эп сире ăнланмарăм...
Вол // 4132.37.7347 2012.02.16 10:45
	Чăваш пурăнăçĕ тата чăвашлăх анлăрах пулмалла тесшĕнчĕ кăна.

Ad

Аçтахар Плотников: 2 миллион саспалли

Comments:

Comments

Supported HTML Tags:

Menu

In Other Languages

Banners

Counters