Agabazar: Ҫырулӑх йӗркевӗсен КОНЦЕПЦИЙӖ пирки

Agabazar05.12.2014 12:2237180 views

<<...Виҫҫӗмӗш ыйту каллех тенӗ пек орфографи тавра пулчӗ. Чӗлхе комиссийӗ хӑй ҫумӗнче орфографи комиссине йӗркелерӗ (15 ҫынран), ҫитес ҫул ятарлӑ конференци ирттерсе унти сӗнӳсемпе килӗшӳллӗн орфографи правилисен тӳрлетнӗ вариантне хатӗрлеме пулчӗ.>> http://chuvash.org/news/7684.html

1)Чӑн малтанах палӑртса хумалалла: йӗркевсене кармаҫӑварсем, балбессем, бомжсем, ҫапкаланчӑксем валли мар, ЧӖЛХЕҪӖСЕМШӖН тата ЧӖЛХЕПЕ ҪЫХӐННӐ ТИЕКСЕМШӖН ӑсталаҫҫӗ. Йӗркевсене "аяларахри" шайсене ҫитересси — пачах урӑх ыйту.

2)Ҫырулӑх орфографирен ҫеҫ мар тӑрать. Унта ҫавӑн пекех графика, пунктуаци пур. Традици тӑрӑх, грамматика нормисене тата лексикологи ыйтӑвӗсене те унтах кӗртсе яраҫҫӗ. Вӗсене йӗркевсен официаллӑ текстӗнче пӗр-пӗринчен уйӑрма тӑрӑшмалла. Шкул ачисен ҫыру ӗҫӗсене тӗрӗс хаклас, йӑнӑшсене тӗрӗс палӑртас ыйту та ҫапла тума хистет.

3)Ҫырулӑх ҫыракансемшӗн тата вулакансемшӗн те МЕЛЛӖ пулма тивӗҫлӗ. Ӑна ҫапла, ҫав йӳтӗмпе ӑсталамалла. Малта —практика ыйтӑвӗсем, теори вара практика хыҫҫӑн пытӑр. Ҫыраканӗсем кӑрӑнташпа та, калемпе те, ручкӑпа та, клавиатурӑпа та ҫыраҫҫӗ мар-и?!

4)Тӗнче опытне тата хамӑрӑн пуян опыта шута илмелле.

5)Майӗпен чӑваш сӑмахӗсене ытти чӗлхесемпе (вырӑс, акӑлчан) транскрипцилес тата транслитерацилес ыйтусене те хускатас пулать.

P.S. Комиссие 15 ҫынна кӗртнӗ тенӗ. Ахӑртнех, кооптаци шучӗпе татах 1-2 ҫынна кӗртме пулать пуль пурӑна-киле. Шӑв-шав пырать. Хӑшӗсем ӑна (шӑв-шава) орфографин 75-мӗш параграфӗн асӑрхаттарӑвне катертес шутпа ҫеҫ усӑ курас тӗллевлӗ. Ҫавсенчен хытӑ сыхланас пулать.

Editorial note: The publication of articles does not mean that the editorial board shares the opinion of its authors.

[Comments (142)]

2024.05.10

Тилӗ хӳри

Аçтахар Плотников

2024.05.11

Валялась «письменность» на дороге

Виталий Станьял

Comments:

Асар // 4117.51.7078 2015.01.14 15:46
	Пушмак е ҫур пушмак шайне анса лартӑмӑр-и тавлашура?
Agabazar // 4092.68.4291 2015.01.14 18:42
	"Акапасар — пасар" ниепле те рифма пулма пултараймасть "Акапасар — пасар мар". Ку та çавăн йышшиех тĕрĕссипе каласан.
Асар // 4117.51.7078 2015.01.14 19:38
	Эпӗ сӑвӑҫсен конкурсӗнче мар. Кирлӗ тӗк - шедевр ҫырма лла-и? Анчах эпир терминсем пиирки калаҫмастӑмӑрччӗ-и-ха? Сӑвӑлани - айкашу кӑна. Акапасар, тӑванӑм, ан йӑсла, Кай, хатӗрле часрах ӑсла, Вӗрет сӑра, пӗҫер сӑра, Асарсенчен пач ан хӑра, Тӗллевӗмӗр пӗрре: чӗлхе, Упрасчӗ ӗнчӗ хӗлӗхе, Янратӑр вӑл хӗвел таран, Акапасар, но пассаран!
Agabazar // 4092.68.4291 2015.01.14 19:52
	Акапасар пирки — ак çакăнта: http://chuvash.org/blogs/comments/2231.html
Конми // 9773-3567 2015.01.14 23:37
	Акапасар, испанла боты, ботинки, полуботинки - пурте ÇĂПАТА - sapatos. Ностратлă чĕлхе парнийĕ. Вĕсем пурте çавăнтанах тухнă.Атă вĕсенче оты, оти пулса кайнă. Шухăшламалли ыйтусем чылай. Тен хăй вăхăтĕнче Виталий Котлеев шутланă пек ХУПĂ САСĂСЕН ЯНРАВЛĂХНЕ, уйрăмах в, л, м, н. р хыççăн б, г, д, ж,з çырса палăртма тытăнмалла. Икĕ уçă сасă хушшинчи, сăмах пуçламăшĕнчисем пирки те пуçа ватса пăхмалла, Оо статусне те йышăнмăалла-и тен.
Конми // 9773-3567 2015.01.14 23:51
	Админ, мана январĕн 4-мĕшĕнчех тĕрĕслесе регистрациленĕ. Мĕншĕн манăн каллех кашни кĕмессерен К.П.Ç. сăăмаха та тавçăрмалла! Куç вăйĕ пĕтсе çитрĕ, сывлăхăм начар.Мĕнле те пулин хам пĕлÿсене каласа хăварма та май памастăр. Пĕчĕк ачапа вылянăн айкшатăр.
Agabazar // 4264.40.7711 2015.01.15 09:32
	Конми юлташ, Пире пурсăмăра та хайхи 75-мĕш параграфа тата уйрăмах çав параграфри асăрхаттарăва "парнелеме" пултарнăшăн тем пекех "Слапух Турра" теес пулать. Ку вăл чăнах та сирĕн "еткер" иккенне витĕр курса тăратпăр. Еткерех теес пулать ĕнтĕ, ара унтанпа çирĕм çул та иртрĕ пуль? :-)
Agabazar // 4264.40.7711 2015.01.15 09:36
	Конми:<<Акапасар, испанла боты, ботинки, полуботинки - пурте ÇĂПАТА - sapatos.Ностратлă чĕлхе парнийĕ>> Асар:<<Акапасар, но пассаран>> Ку "но пассаран" тени те ностратизм тапхăрĕн парни-ши? :-)
Асар // 4117.51.7078 2015.01.15 12:34
	Каҫарсамӑр: но пасаран (пӗр с-па) темеллеччӗ.
Agabazar // 1414.11.0420 2015.01.15 13:52
	Но пасаран çырсан [но-пазаран] вулама тивет

Ad

Agabazar: Ҫырулӑх йӗркевӗсен КОНЦЕПЦИЙӖ пирки

Related

Тилӗ хӳри

Валялась «письменность» на дороге

Comments:

Ку "но пассаран" тени те ностратизм тапхăрĕн парни-ши? :-)

Comments

Supported HTML Tags:

Menu

In Other Languages

Banners

Counters