Ĕненетĕр-и е çук-и, анчах хăш-пĕр ăсчах çын кăмăлне вăл мĕн çиме юратни тăрăх пĕлме пулать тесе шухăшлать иккен. Швейцарири ученăйсен ушкăнĕ пине яхăн çынна сăнава хутшăнтарнă та çавăн пек пĕтĕмлетнĕ.
Атьăр-ха эппин хамăра тата хамăрăн çывăх çыннăмăрсене сăнаса пăхар. Кам мĕнле апат юратнине аса илер те Швейцарири Биологи инсититучĕн ăсчахĕсем йăнăшнипе йăнăшманнине палăртар.
Таса чунлă та тӳрĕ кăмăллисем сиенлĕ апат-çимĕç çиме кăмăллаççĕ имĕш. Усаллисенчен тата мăкăртатма юратаканнисенчен чылайăшĕ усăллă апат-çимĕçе суйлаççĕ пулать.
Хĕрӳ кăмăллисем хăвăрт тата çăткăнла çиеççĕ имĕш. Лăпкисем тата васкаманнисем апата та майĕпен чăмласа çиеççĕ теççĕ.
Экстравертсем апатланнă вăхăтра эрех ĕçме юратаççĕ.
Нумай пĕлме ăнтăлаканнисем ӳсенттăран апат-çимĕçе кăмăллаççĕ.
Ну, мĕнле? Килĕшмелле пек-и Швейцари ăсчахĕсемпе е эсир урăхла шухăшлатăр-и?
Editorial note : The publication of articles does not mean that the editorial board shares the opinion of its authors.
+3.3 °C
