Темшĕн, темшĕн сар хĕвел...

Иван Ахах | Сăвă | 1920 | 395


Темшĕн, темшĕн сар хĕвел

Мана ăшăтасшăн мар.

Мана сивĕ... вилеп... пĕл —

Ун чух ăшшу кирлĕ мар.

 

Хăвăн ылтăн çутуна

Вăйлăрах яр çĕр çине,

Питĕ тĕттĕм вырăна

Ярса кăтарт çуттине.

 

Часрах, часрах, сар хĕвел,

Манăн пата ăшă яр.

Мана сивĕ... вилеп... пĕл —

Ун чух ăшшу кирлĕ мар.

 

Часрах, часрах, сар хĕвел,

Тĕттĕм çĕре çутă пар.

Тĕтĕм куçа хуплать... пĕл —

Суккăра çутă кирлĕ мар.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем