Утса та çитеймĕн, тытса та чараймăн...
Утса та çитеймĕн, тытса та чараймăн —
Юхаççĕ кунсем тинĕсе.
Унта çухалаççĕ тумламăн-тумламăн
Хумсем хушшинче хĕвĕшсе.
Тытса та чараймăн, чупса та çитеймĕн —
Вĕçеççĕ çулсем тӳпене.
Сӳнме-ши васкаççĕ хĕлхемĕн-хĕлхемĕн
Пин-пин çăлтăрсем хушшине.
Кунсем шав юхаççĕ, çулсем шав сӳнеççĕ,
Эп хам та хăна çĕр çинче.
Çухалăп е сӳнĕп элчелĕм çитсессĕн,
Ят юлĕ çынсен асĕнче.
Ĕç-хĕлĕм те юлĕ: йăмра, сад пахчи те,
Турпас пек çӳхе кĕнеке...
Ан мантăр мăнукăм, мăнукăн ачи те,
Асилтĕр мана кĕреке.
Тытса та чараймăн, вĕçсе те çитеймĕн —
Сӳнсе кĕлленеççĕ çулсем.
Эпир те каятпăр элчелĕ килсессĕн,
Юлаççĕ ятсем те ĕçсем.
Шухăшсем
Hello, Secure your spot on Rhodium Verse...
Ачв чухне лаша пуçĕ урлă утланса ларни...
КАЙМАÇ ПУЛАС ШУХĂША ПĔЛТЕРНИ .
To the chuvash...
Вăйлă xaйлав! Помидор çимĕçĕн усăлăхĕпе ...
пĕрремĕш абзацрах стилĕ килĕшмерĕ ...
Disquieting https://www...
Trying https://www...
Темĕн çав ...
Наталие хуравласа ...