Blog Updates

Ҫӗр ӗҫченӗн ҫулталӑкӗ валли тунӑ логотип

■ 09.02.2009 10:49 | 5243 views

Унччен ҫак логотипа курманччӗ-ха... Паян вара мӗнле те хыпар тупас тесе cap.ru сайта кӗтӗм те — куртӑм.
Ӳкерекенӗ мӗн палӑртасшӑн пулнӑ-ха? «2009» хисеп ҫинче халь тин ҫеҫ вӗҫсе каясла темле ҫын тӑрать. Тырӑ пучаххине тытнӑ та ун ҫине пӑхса киленет-и?.. Тен тырӑ пучаххи ҫинчен сӑвӑ ҫырасшӑн вӑл?.. Ҫук, тем тесен те, ку логотип ман кӑмӑла каймарӗ.
Эпӗ пулсан логотипра ӗҫлекен ҫынна, ӗҫченлӗхе тӗпе хурса хатӗрлеттӗм.

[Comments]

Ярославль урамӗпе утса тухсан...

■ 06.02.2009 20:59 | 5591 views

Ҫапла, пӗррехинче, ҫак урам тӑрӑх утса тухма тиврӗ. Ӗҫ вӗренӳ сессийӗ вӑхӑтӗнче пулса иртрӗ — заняти пуҫланиччен вӑхӑт нумайччӗ те сив ҫанталӑка пӑхмасӑр хула тӑрӑх уҫӑлса ҫӳрес терӗм.
Ярославль урамне утса ҫитрӗм ӗнтӗ... Утатӑп. Шупашкарти кашни ҫурт ҫине тенӗ пекех урам ятне тата ун номерне ҫырса хунӑ. Питӗ кирлӗ япала — васкавлӑ пулӑшу та кирлӗ чухне ҫурта хӑвӑрт тупма пултарать. Вӑт, утатӑп хайхи... Утнӑ май пӗр ҫурт ҫине «Ярославский урамӗ» тесе ҫырнине асӑрхарӑм. «Эх», — тетӗп хам ӑшра, — «чӑвашла тӗрӗс куҫарма пӗлеймен иккен...» Тепри патне ҫывхарнӑ май ун ҫинче те пулин тӗрӗс ҫырнӑ-ши тесе шухӑшлатӑп.

More...

[Comments (2)]

Открыти

■ 20.01.2009 21:40 | Edit | Delete | 5079 views

"Етӗрне районӗн ялӗсем ял тӑрӑхӗсем тӑрӑх" статьяпа паллашнӑ хыҫҫӑн вулакансемпе калаҫас кӑмӑл ҫуралчӗ.Ӗмӗр пурӑн ӗмӗр вӗрен ,-теҫҫӗ ваттисем. Паян Л. Ю. Браславский пухса хатӗрленӗ " Православные храмы Чувашии" кӗнекепе паллашрӑм. Тӗлӗнмелле открыти турӑм. Пирӗн ялта та чиркӳ пулнӑ иккен!
Церковь Св. Николая Чудотворца, построена на средства купца П.Г.Бакулина в 1899 году.Однопрестольная. Церковь деревянная, теплая, длина с колокольней 4 саж.,наибольшая ширина 4 саж., высота до верхнего карниза4 саж.На церкви 5 глав. Иконостас 3-ярусная, высота 6 саж.

More...

[Comments (1)]

Вырӑссем канма вӗренесшӗн тет...

■ 14.01.2009 10:15 | 5504 views

Халӗ эп Шупашкарта пулнӑ май хыпарсемпе инҫекурав урлӑ паллашатӑп. Ара, кунта, интернечӗ ҫук та... ирӗксӗрех ҫав хатӗрпе усӑ курма тивет. Интернечӗ пур чухне, паллах, эпӗ хыпарсемпе Lenta.ru сайтра паллашатӑп – унта вӗсем объективлӑрах тата (ку маншӑн питӗ паха) тӗрлӗ енлӗ кӑтартаҫҫӗ. Инҫекураври пек пӗр енлӗ мар.
Пӗррехинче, ҫапла пӑхса ларатӑп та ӗнтӗ, Медведев юлташӑн сӑмахне илтрӗм. Эпир, Раҫҫей ҫыннисем, канма пӗлместпӗр иккен. Канма вара пирӗн анӑҫри культурӑран вӗренмелле иккен. Ку сӑмаха вӑл ҫӗнӗ ҫулхи кану вӑхӑчӗ пирки каларӗ. Мана ку, ун сӑмахӗсем, питех те килӗшмерӗҫ.

More...

[Comments (5)]

live concerts, shows, radio sets and live DJ mixes for free

■ 07.01.2009 21:11 | Edit | Delete | 5680 views

Все бесплатное только в мышеловке, ))) да есть некаторые варезные сайты каторые предлогают скачать ту или иную программу тот или иной файл. Но так или иначе за что то стоящее нужно платить,
Так вот один из популярных Mp3 сайтов Ligamusic.com Предлогает Не плохую подборку live concerts, shows, radio sets and live DJ mixes - Download for free.
Подборку Лайфов можно посмотреть по адресу - http://ligamusic.com/download_music_free
как у них указано там лафов "Browse 27990 releases"

Нужно сразу сказать,
Первое - что сам по себе сайт платный, бесплатно можно скачать только лайфы, и то если повезет, что бы попасть на сайт нужно использовать прокси, так как для русской аудитории этот сайт не работает,
И второе - что уже сразу немного разочаровывает - нужно положит на счет $20.

More...

[Comments (2)]

Истори

■ 01.01.2009 23:37 | Edit | Delete | 4918 views

"Истори" уйрӑмӗнче пичетленнӗ Василий Долгов-Кавалсем ҫырнӑ "Республикӑри чи ватӑ шкул" статьипе кӑсӑкланса паллашрӑм.Чӑннипех те мухтава тивӗҫлӗ ӗлӗкхи ватӑ шкулсем, вӗсен историйӗ те питӗ пуян. Эпӗ Етӗрне районӗнчи Палтайри вӑтам шкултан вӗренсе пурнӑҫ ҫулӗ ҫине тухнӑ. Шкул пурнӑҫӗпе интересленсех тӑратӑп. Пирӗн районта аваллӑха хисеплени сисӗнет, манӑн тӑван шкул - вӑтам шкулах.
Хам вӑй хуракан Штанашри вӑтам шкул (ӑна 1842-мӗш ҫулта уҫнӑ, кунта И. Н. Ульянов та 1871 ҫулхи декабрӗн 17-мӗшӗнче тӗрӗслевпе пулнӑ) иртнӗ вӗренӳ ҫулӗнче вӑтам шкул статусне ҫухатрӗ.

More...

[Comments (1)]

Плансем

■ 26.12.2008 21:24 | Edit | Delete | 4958 views

Ҫӗнӗ Ҫул уявне пирӗн шкултан никама та илсе каймарӗҫ.Ҫитес ҫул "Тантӑшпа " ытларах ҫыхӑну тытӑпӑр.Эпӗ вӗренекенсемпе телевиденине, радиона, университета, Охотников юбилейне, " Тантӑш" юбилейне,"Хатӗр пула"кайса.Тӗрлӗ конкурссенче ҫӗнтерсе.Павел Семенов ирттернӗ "Напиши письмо солдату" акцине хутшӑнса Шупащкара класпа салтак пӑтти ҫиме каймаллаччӗ, автобус тупса памарӗҫ, каяймарӑмӑр.Кӳренсе депутат патне ҫыру ҫыртӑм. Пире Шуршӑла илсе кайрӗҫ! Класпа каясси пулмарӗ,ачасем экзаменсене хатӗрленетчӗҫ, шкулти активистсене илсе тухрӑмӑр.Сывлӑх хавшамасан, 2009-мӗш ҫулхи уява каятпӑрах!

More...

[Comments]

Чӑваш телевиденийӗ пирки

■ 26.12.2008 18:48 | Edit | Delete | 42726 views

Паян ӗҫрен иртерех ҫитрӗм, яланхи йӑлапа телевизор ятӑм та - чӑвашла передачӑсем курса лартӑм. Ҫур сехет пычӗ пӗтӗмпе. Хыпарсен кӑларӑмӗ тата "Шевле". Рекламӑна кӑларса пӑрахсан пӗр 25 пулать. Пуринчен ытла мана чӑваш телевиденийӗ питӗ мелсӗр вӑхӑтра тухни тарӑхтарать. 5 сехет иртсен пуҫланать те 6 сехет ҫитиччен пӗтрӗ. Шӑпах ку вӑхӑтра ҫынсем ӗҫрен тухаҫҫӗ, лавкка таврашне кӗреҫҫӗ, кил-хуҫалӑхпа аппаланаҫҫӗ - телеэкран кмне ларма никамӑн та вӑхӑт ҫук. Чӑваш телевиденийӗн передчисене ӑнсӑртран, тахҫанта пӗрре кӑна курма пултаратӑн. Мӗншӗн ҫапла хӑтланаҫҫӗ?

More...

[Comments (92)]

2008 ҫула пӗтӗмлетсе

■ 25.12.2008 17:09 | 6354 views

http://chuvash.org/blogs/comments/161.html — кунта 2006 ҫул пӗтӗмлетӗвӗ.
http://chuvash.org/blogs/comments/531.html — кунта пӗлтӗрхи, 2007 ҫул пӗтӗмлетӗвӗ.

Яланхи пекех япӑххине аса илер.
1. Ман пурнӑҫра хурлӑхлӑ хыпар пулчӗ — атте ҫут тӗнчерен уйрӑлса кайрӗ. Ку сӑлтава пула аталану самай чакрӗ — фотосессисем те ҫителӗклӗ ирттереймерӗм.
2. Пӗлтӗр сервер хваттере куҫрӗ пулсан, кӑҫал вара пушшех те пӗтсе ларчӗ. Яланхи пекех, пӑтӑрмах ҫу уйӑхӗн пуҫламӑшӗнче пулса иртрӗ. Лайӑх хыпарӗ кӑҫал та пур — ҫӗнӗ сервер туянса, ӑна ӗнерлесе те ҫитернӗ, анчах, хостинга вырнаҫтарман-ха.

More...

[Comments (2)]

Ухмах пулса вилен...

■ 24.12.2008 22:24 | Edit | Delete | 4317 views

Ӗмӗр пурӑн, ӗмӗр вӗрен - ухмах пулса вилен. Ҫакӑн пек ваттисен сӑмахӗ аса килчӗ паян пуҫа. Сӑлтавӗ те ансат - шкулта шыв ҫукчӗ, шӑнкӑралатӑп пӗрин патне, ҫапла-ҫапла теп, кран ҫурӑлнӑ, юсама ҫынсем шыратӑп, хатӗр-хӗтӗр пирки калаҫса татӑлнӑ теп. Юрать, ӑнлантӑм терӗ те калаҫма пӑрахрӗ. Эпӗ вара унтан пулӑшу кӗтнӗччӗ, ма тесен ку ӗҫ уншӑн та пит кирлӗ, унӑн чӑн малтан, мантан малтан пуҫӑнмаллаччӗ. Вӑл вара, кайран ҫынсем каларӗҫ, Ҫӗмӗрлене тухса кайнӑ иккен, хӑй ӗҫӗпе. Ман вара уншӑн та тар тӑкма тиврӗ. Ман ӗнсе ҫинче катаччи чупрӗ. Эп пурпӗрех юсаса ярасса шанчӗ пулинех.

[Comments]